Drita ka arritur të shënoj fitore në derbin e Gjilanit me rezultat 2-1, pas një rikthim të madh në pjesën e dytë, në sfidën e vlefshme për xhiron e tetë.

Gjilani e nisi takimin më mirë duke shënuar në minutën e 44-të me Aganspahiç nga penalltia, shkruan Arbresh.info.

Ndërkohë, Drita u rikthye furishëm në pjesën e dytë, duke rikthyer gjithçka në anën e tyre. Fillimisht Liridon Balaj barazoi rezultatin në minutën e 54-të.

Kurse, golin e dytë e shënoi Albert Dabiqaj në minutën e 77-të, për 1-2.

Deri në fund gola të tjerë nuk pati dhe Drita shënoi një fitore të rëndësishme e cila e ngrit në tabelën e klasifikimit.

Pas tetë ndeshjeve, Drita ka 11 pikë dhe ndan pozitën e katërt me Drenicën. Kurse Gjilani është i fundit me shtatë pikë, sikurse edhe Prishtina e Re.

Ndeshjen e radhës skuadra e Zekirija Ramadani e luan ndaj Malishevës, kurse Gjilani përballet me Prishtinën e Re./Arbresh.info